Şarkı sözleri : Davide Van De Sfroos. Brèva E Tivàn. Il Duello.

Un pass... un pass... e po un oltru pass...
capell sbassaa so i occ... pistola gio in bass...
la geent la fiada pio e l'ha cambiaa culuu
de che a ciinq menutt se spara suta el su...
L'aria l'e ferma e tremen anca i sass
duu omen ne la via hann deciduu de cupass
fiulitt a buca verta che tegnen fermu el can
el becamoort el varda e intaant el frega i mann
"Te spari per la Juve e per la partida a scupa
vardum drizz in facia... sun quell che te cupa!
E prema de sparatt te en disi ammo' voena:
ieer sira al burdell ho incuntraa la tua dona..."
"Parla pirla... che fra un po te parlett pio
te mandi all'infernu cul vestii che te gh'eet so
e dighell al demoni quaand te la dumanda:
- a quell che m'ha cupaa, gh'eri sfrisaa la Panda-"
"CORRETE! CORRETE! I henn dree a fa el duell
l'e mej de la partida e de quaand gh'era el carusell
Mariangela movess che g'hann el culp in cana
registra tucoos che gh'el vendum al Mentana"
"Preparess che tra un attim la pistola la vusa...
el to fioo a l'e un drugaa... el ruvina la mia tusa!"
"Seet te che in so i occ gh'eet i fett de salamm
la tua tusa l'e cume la credenza dle pan!
Te seet sempru ciucch, te steet gnanca in pee,
ma taant adess te'l levi me el pensee
La mia pistola spara e la fa mea pare
l'e mea un cioo cume queell che gh'eet scia te!"
"CORRETE! CORRETE! I henn dree a fa el duell
l'e mej de la partida e de quaand gh'era el carusell
Mariangela movess che g'hann el culp in cana
registra tucoos che gh'el vendum al Mentana"
"CORRETE! CORRETE! I henn dree a fass la pell
per che che g'ha prublemi gh'e pruunt el sgabell
Madona che tension, l'e pegiu de un parto
gh'e in giir i luseert che i ciapen l'infarto"
I mann curren in pressa, ma i ciapen mea la pistola
i tiren fo tucc duu de culpu el Motorola
la geent capiss nagott, la varda scia e la...
Cume mai i pistoleri i henn dree a telefuna?
"A l'era la mia dona, me sa che g'ho de na
a l'e incazzada negra, l'e pruunt de mangia..."
"El femm un'oltra volta, anca me g'ho de scapa...
l'e el cumpleann de quell penenn, se sun desmentegaa..."


(Grazie a Kanna per questo testo)