Şarkı sözleri : Davide Van De Sfroos. Pica!. Retha Mazur.

Tii mel Kuesh
traaj mma de lu
kuu Skiffatz
Maj Traa Xxelu...

Hey damm'a traa sun't el flauto de veent che sbrissiga de nocc tra la cana e la foeja
Passi via sura el cornu al demoni e i pioemm de l'arcangel che s'e indurmenta
Varda scia g'ho una lengua che sposta la foolc de la loena in soel coo del cipress
g'ho un pass cun ligaa una cadena che quaand fa frecass la desseda anca i pess

Retha Mazur Retha Mazur
Senta se'l tira senta se'l mola
senta se'l bufa senta se'l batt
sfilza la pianta nel coo piee de ramm
pell de galena soe l'acqua dell'unda
briisa che ruzza e sgavezza la tenda
strepa la nigula lustra la stela
sbogia la nocc e rimpinza la vela
gula la sabbia e pica la porta
se sbassen i fiuu e'l laagh se ribalta

Retha Mazur Retha Mazur
adess paar che'l riid
adess paar che'l vuusa
el raccatta ogni roba e tucoos buta via
musica d'aria lama de briva
troeva el suspiir che sgraffigna la schena
rubara el foemm sughera el sass
paar dree a muri e de culpu a rinass
spustera la tempesta la nebia e la tera
lasera la sua paas dopu l'aria de guera