Şarkı sözleri : Mario Incudine. Abballalaluna. Quantu Si Bedda Misa A Lu Tilaru.

Testo e musica di Mario Incudine

Quantu si bedda misa a lu tilaru
Ca fai linzola di canapa e di linu,
quannu la guglia teni ?ntra li manu
di la to tila nesci oru finu.

Putissivu cusiri macari senza stigli
Senza ne lana, ne ditali e senza gugli,
li to capiddi fussiru lu filu,
e lu me visu tila ne to manu.

Quantu si bedda assittata a lu tilaru
mentri cusi li linzola i linu finu,
un fazzulettu riccamatu a manu
ccu lu me nnomi quannu va luntanu.

E cusi sula tuttu lu curredu
Chistu sara ppi tia lu me tisoru
E lu cupuni ora sutta ?nvelu,
ppi scupunarlu quannu ni maritamu.

?Nte sti linzola ci sara misteru
quannu ne frazza to si grapi u celu
ne stu cuscinu riccamatu a manu
ci posi a testa e i li capiddi d?oru.

Quantu si bedda misa a lu tilaru,
mentri canti ccu stu dialettu finu
mentri ccu l?occhi assicuti lu ricamu
di un gigliu e di ?na rosa di giardinu


(Thanks to Mario Incudine for these lyrics)